خاکـی

« بی تو »

بی تو فصلا همه سیم عین خزونه تیلم
غم نادیدن تو ظلم گرونه تیلم
مُهر مِهر تو از اول به دلم خرد و هنی
تا هدم دل به همو مهر و نشونه تیلم
سو تیامی گر زونی همه چیمی چه بگم
شعله عشق تو سیم راحت جونه تیلم
برگ و تی دست به یک دادنه سی کشتن مو
تیمه ها زیر سر برُگ کمونه تیلم
مثل بلبل که سی گل نیگره زونس به دهون
دل مو قول و غزل سی تو اخونه تیلم
سوز لونی تیلت عین صفا ایلاقه
داغ کو چم اکنه دلنه کشونه تیلم
افتو ری بنما ز پس اور پل شه
افتو عمر مو دی ور لو بونه تیلم
قول مردم گودنی شاه به خوشیمونه بیو
ار بایی همه دنیا ز خومونه تیلم